Isai Tulun Dusun?

Isai Tulun Dusun?Pointanud nopo banci mantad (U.N. Census Bureau) id toun 1998, haro 610,000 tulun Dusun ko 60% ngawi tulun Dusun hiti pogun Sabah.

Koinsanai nopo tulun Dusun nga iagama dot Kristian om Islam om haro kadauh kakal mo dong komolohingai.mantad nopo boros iso tulun it asaru mogintutun dot tulun, tulun nopo Dusun nga hiti no pogun Sabah poingiyon.

Iti nopo nointutunan nga notulis dit Alliston (1966,52) mantad boros dauh :

...It is interesting that while there are Muruts in other parts of Borneo, in neighbouring Sarawak and Kalimantan; and most of coastal peoples have distant cousins somewhere in Malay Archipelago, The Dusuns alone seem to be confined to Sabah...

Terjemahan:

....manarik tomod tu Murut nopo nga haro po orubaan hilo pomogunan suai hiti Borneo, id sampaping pogun hilo Sarawak kot Kalimantan; Ngawi nopo tulun nga mogiompinai poinsorili liho pomogunan hiti, Nga Dusun nopo nga si iso no dot orubaan hiti Sabah...

mantad nopo diti, tulun Dusun nopo nga milo soritaan mantad duo susunudon. Mantad nopo it kumoiso nga sorita mantad tulun id asaru mogintutun dot tulun nunu it komoyon dot mogintutun dot dong gulu-gulu om mogihum tadon tulun.

Ogumu sorita tulun mogintutun:

1. Tulun Dusun nopo nga tulun it timpunon it pompasi hiti pogun dot Borneo, tu norubaan dolo tongo tulang-tulang dot tulun hilo gua Niah mantad dit 35,000 toun gulu. Nga iti nopo tintutunai nga amu milo komoyon tu aiso boros it pontopot.

2. Kadi tulun dot kumoduo, tulun Dusun nopo nga mantad Selatan China dot minindah gisom hiti Borneo., Mantad dot keturunan Indo-Malaya. Iti nopo pogintutunan nga moingikut dot sara poimpasi tulun Dusun tinono tu poimpasi hiti kawasan dot nuluhon om Nabalu tu miagal tulun China dot noubas poimpasi hilo tisan nuluhon.

3. haro boros suai dot, tulun Dusun nopo nga mantad hilo Mongol tu osilow kulit om, oniba po om olombon-lombon irad tulun Mongol. Ogumu tulun magakun dot otopot noti boros sabab dot antad po dit 250,000 toun gulu, hiti nopo pomogunan Borneo nga noponuh dot tulun ditketurunan dot hilo Mongolom Selatan China.

4. Haro boros suai dot, tulun Dusun nopo nga mantad hilo China sabab nopo nga iti nopo sunduk pinakai dolo tinono nga irad sunduk mantad sina, Tulun dusun irad rupa Sina, Pogun sabah ogumu Luping irad tulun Sina, Ogumu ngaran impunon dot Kina it rati dot Cina irad dit Kinabatangan om Kina balu, haro notulis dot tulun sina nokoumbal nokorokot hiti Sabah om haro susunudon dot tulun Sina tanak dot Raja koumbal mogihum dot Gimat hilo Nuluhon Nabalu.

Ogumu po sorita suwai, nga mantad nopo tulun Dusun sondiri nga, Tulun Dusun nopo tie nga mantad hilo Nunuk Ragang. Poingiyon yolo ngawi iso pun kayu dot Aragang om tisan not bawang.Nunu-nunu nopo nangan tuliso kot nan intutunai tulun baino nga iri not tadon Tulun tokou it amu milo man kopio otopot ko amu. Iri nopo otopot nga tulun Dusun nopo baino nga kakal po poimpasi hiti pogun Sabah dot poinkibit dot boros gulu-gulu om minsawat to kumaya miirad tulun suwai.

Mantad: Tinulis ko Sondiri mantad buuk-buuk diti.

Sumber :

Low Kok On, Membaca Mitos Kadazandusun, UKM, 2005

Owen Rutther, The Pagans of North Borneo, London, 1929.